Schweizerlied

Uf ’m Bergli
Bin i g’sässe,
Ha de Vögle
Zugeschaut;
Hänt gesunge,
Hänt gesprunge,
Hänt’s Nästli
Gebaut.

In ä Garte
Bin i g’stande,
Ha de Imbli
Zugeschaut;
Hänt gebrummet,
Hänt gesummet,
Hänt Zelli
Gebaut.

Uf de Wiese
Bin i gange,
Lugt i Summer-
Vögle a;
Hänt gesoge,
Hänt gefloge,
Gar z’ schön hänt s’
Getan.

Und da kummt nu
Der Hansel,
Und da zeig’ i
Em froh,
Wie sie’s mache,
Und mer lache
Und mache’s
Au so.